Matís, RORUM, Háskóli Íslands, Tækniháskólinn í Danmörku (Danmarks Tekniske Universitet, DTU) og Fiskeldi Austfjarða (Ice Fish Farm) hafa tekið höndum saman um verkefnið BIOTOOL sem mun vinna að þróun nýrra erfðafræðilegra aðferða til vöktunar á lífríki botns við fiskeldi í sjókvíum.
Meðal þess sem RORUM fæst við eru fjöruúttektir. Þá er fjara skoðuð kerfisbundið og henni lýst. Í kjölfarið er skrifuð skýrslu, gerð kort og þess háttar. Starfsmenn RORUM fóru nýlega í slíka úttekt í Þorlákshöfn og lék veðrið við þá. Meðfylgjandi eru myndir af fjörunni
RORUM fór í botnsýnatöku í Elliðavogi þann 3. mars 2022. Veður var gott og vinnan tókst vel. Björgunarsveitin Ársæll ferjaði starfsmenn RORUM á staðinn, milli sýnatökustöðva og aftur heim. Sýnin fara í efnagreiningu.
Nýlega kom Náttúrufræðingurinn út og eru þar tvær greinar um skötuorminn og kemur RORUM að þeim báðum.
Þorleifur Eiríksson, Þorgerður Þorleifsdóttir, Hrefna Sigurjónsdóttir og Hilmar J. Malmquist fjalla um útbreiðslu skötuorms á Íslandi í grein sem ber heitið Huldudýr á heiðum uppi – útbreiðsla skötuorms á Íslandi. Í greininni er stuðst við rannsóknir, munnlegar heimildir og aðrar heimildir. Sjá má kort yfir útbreiðslu skötuormsins og fleiri greiningar.
Þóra Hrafnsdóttir og Þorgerður Þorleifsdóttir fjalla um bræðing lista og vísinda þegar höfundar fóru ásamt hollenskum listmanni og ljósmyndara til að taka myndir af skötuorminum. Greinin heitir Skötuormurinn og listamaðurinn – ferðasaga.
Hér gefur að líta kort af Ísafjarðardjúpi. Gögnin voru unnin úr fjölgeislamælingum Hafrannsóknarstofnunar. Í landupplýsingakerfum má vinna slík gögn á marga vegu, útbúa dýptarlíkön til greininga og útbúa kort eins og þetta.
Hafa má samband við ah@rorum.is ef fólk vill nota kortið.
